川味香

營業中

休息中

川味香琴晚去咗紅磡食串燒，去到一間串燒店叫「川味香」，門口都係有一級，又要出動我塊斜板嘅時候！呢間餐廳好細，大約只能坐到24人，店員幫我搵近門口嘅座位方便我，輪椅入到去啱啱好夠轉彎埋枱，但擋哂成條走廊，食食下有三個妹妹仔入嚟幫襯，佢哋慢慢喺我部輪椅後面行去其他枱，真係唔好意思！1.香濃芝士燒扇貝帶子（2隻）$72（9/10）呢個芝士燒扇貝帶子超級邪惡，超級多芝士，芝士唔鹹，而且燒得唔會乾身，仲保留到扇貝帶子嘅汁，扇貝帶子唔硬唔乾，燒嘅時間掌握啱啱好！👍👍👍2.蒜蓉燒鮮味花甲$55（7/10）呢個蒜蓉花甲落咗好多蒜蓉，我仲自己加辣椒粉 ，不過花甲細隻咗少少，蜆肉唔夠肥美，而且有幾隻有少少沙，一碟大約有25隻花甲！3.錫紙燒蒜蓉金針菇$43（8/10）呢個蒜蓉金針菇入面仲有娃娃菜，金針菇索哂蒜蓉味香，我嫌得蒜蓉味太單調，自己再加辣椒粉，即時好味咗，再加埋娃娃菜嘅清甜味，完全好夾！4.燒頂級厚切牛舌心$36（9/10）呢串牛舌心一串有3舊，每一舊都好厚切，燒得啱啱好，牛舌夠淋，面頭仲灑上孜然同辣椒粉，叫咗小辣都唔覺辣，好彩店員遞上辣椒粉比我加！👍😋😋5.串燒雞全翼（2串）$36（9/10）呢