雞記潮州麵食

營業中

休息中

相約好朋友尖沙咀食Lunch，佢提議呢間潮州麵食店，我當然無異議啦！坐低望望餐牌嚇咗一跳，勁多選擇，幸好我呢個朋友有大胃王稱號…▶️先點一碗必食嘅黑豉油王撈粗 - 真正係色香味俱全，粗麵淋上秘製黑豉油特別惹味▶️再嚟一份小食拼盤(大) - 有炸紫菜墨魚丸，生煎墨魚餅，炸魚片頭，炸鮮蝦雲吞，樣樣都香脆可口！▶️牛三寶湯麵 - 牛筋牛肚牛腩，樣樣都好淋，容易入口之餘味道亦不錯▶️紫菜墨魚湯 - 湯底濃郁惹味，墨魚丸亦夠鮮味總結：朋友無介紹錯，食物質素好好，價錢合理，店內格局還可以啦，都坐得舒適嘅，始終一般麵店唔會要求太多