影片
更多
2021-08-03
87 瀏覽
今日咁啱去太和探朋友，朋友話佢樓下有間唔錯嘅火鍋店，所以就去試吓，佢門口有勁大張poster係陳國強師傅介紹養生鍋，於是我地就試吓佢嘅黃湯鴛鴦花膠雞煲，個湯同d雞係分開上，一見到個金黃色鍋底已經好吸引，落埋雞落去滾5分鐘就食得，d雞肉食落好嫩滑，個湯入面仲有勁厚嘅魚肚同大量花膠，個湯飲落好濃郁，飲完個口仲有黏黏地嘅感覺，可以知道係好足料。飲完湯食完雞就開始打邊爐，佢地有半份嘅火鍋配料叫，所以可以叫多幾款試吓。日本廣島蠔，d蠔都好大隻肉厚，熟咗都冇乜縮水，蠔肉好鮮甜。白鱔片，係厚切，d鱔好爽口，完成冇泥味。手打鮮蝦丸，粒粒都爽口彈牙。自選雙拼餃京蔥牛肉餃，d牛肉充滿晒成粒餃，咬開時好多湯汁招牌元寶鮮蝦雲吞，一粒雲吞入面有2隻大蝦，果然係招牌餃。自家制黃金魚皮，普通嘅魚皮食得多，即整咸蛋黃魚皮真係少有，上枱果時熱辣辣，d咸蛋黃醬包住晒成塊魚皮，咸咸香香好好食。鴛鴦咸檸7，有咸金桔同青檸加埋7起，好絕配，酸酸甜甜，令人開胃，7起又可以解渴。佢地而家有優惠(一至四) 一日前訂座，4位或以上並惠顧火鍋滿HK$800即送原條 < 象拔蚌刺身 >，下次約多幾個朋友再去試吓
飲完湯食完雞就開始打邊爐，佢地有半份嘅火鍋配料叫，所以可以叫多幾款試吓。
日本廣島蠔，d蠔都好大隻肉厚，熟咗都冇乜縮水，蠔肉好鮮甜。
白鱔片，係厚切，d鱔好爽口，完成冇泥味。
手打鮮蝦丸，粒粒都爽口彈牙。
自選雙拼餃
京蔥牛肉餃，d牛肉充滿晒成粒餃，咬開時好多湯汁
招牌元寶鮮蝦雲吞，一粒雲吞入面有2隻大蝦，果然係招牌餃。
自家制黃金魚皮，普通嘅魚皮食得多，即整咸蛋黃魚皮真係少有，上枱果時熱辣辣，d咸蛋黃醬包住晒成塊魚皮，咸咸香香好好食。
鴛鴦咸檸7，有咸金桔同青檸加埋7起，好絕配，酸酸甜甜，令人開胃，7起又可以解渴。
佢地而家有優惠(一至四) 一日前訂座，4位或以上並惠顧火鍋滿HK$800
即送原條 < 象拔蚌刺身 >，下次約多幾個朋友再去試吓
張貼
