小胖台灣便當 (偉華中心)

營業中

休息中

拎左 #消費券 ，梗係要食餐好嘅！再次幫襯 #小胖台灣便當 ，但疫情仍然未受控，佢地都暫停咗堂食，外賣返屋企食就最穩陣。佢地嘅地道台灣便檔好足料，大大碗飯入面超多配料。有好甜嘅粟米，菜、雲耳及粉絲等等，味道豐富。食肉獸好鍾意牛肉，叫咗萬華網烤牛肉。薄切牛肉有一陣陣炭火味，肉質鬆軟。牛肉嘅肉汁同米飯結合，非常好食。另一碗叫咗士林鹽酥大雞腿，雞腿大過個外賣碗，拎到返屋但仲熱辣辣。外層鬆脆帶點鹽酥味，內裡嫩滑多汁，好有台灣風味！套餐仲可以選一款飲品同小食，當然要試下台灣地道嘅鹽酥雞及九層塔雞翼，鬆脆可口，與九層塔一齊入口帶點芳香。