得閒飲茶

營業中

休息中

呢間點心鋪絕對係香港數一數二既平價之選，以呢個價錢黎講完全係超水準發揮👍🏻全部都係即叫即蒸/炸，少女子食左無數次，每次水準都好好🥺黎到一定要試蝦餃，暫時係香港食過最好食既，聽聞師父仲曾經拎過獎😍蝦餃皮簿且煙韌，好好咬口，入面啲蝦亦都好足料，啖啖肉，已經完全冇腥/雪藏味，好新鮮👍🏻春風得意卷，菜式好創新，食落口感勁有層次😳最外面係腸粉，跟住係一層簿簿地既油炸鬼？而最入面係啲普通既餡料。一咬落去內脆外軟，好有驚喜，推薦大家一定要試下！紫薯流沙煎堆仔，係出面未見過，如果鐘意食煎堆既一定要試！炸完出黎外層好脆，入面帶有少少煙韌既紫薯餡，再咬入啲流沙餡咇曬出黎，勁邪惡🙈不過流沙餡食落有少少甜🥴3.6牛乳太陽蛋必推！超高質！入口好軟滑，好香牛奶味，面上面既太陽蛋係普通啫喱，好得意。