Dodam Chicken (利舞臺廣場)

營業中

休息中

放假經過你舞台第一次試呢間炸雞店！呢間炸雞店喺度都幾耐，咁啱冇咩人就入咗去試吓！食完即刻去睇戲！餐廳地方都好闊落！嘢食種類都幾多可以揀！芝士雞蛋卷超多芝士！每人食一嚿，個個都可以拉𢇁😍😍！ 最簡單嘅口味最好食！順帶一提，最好一次過食晒！我哋食埋雞再返轉頭之後，中間啲芝士一嚿嚿咁，冇熱嗰陣咁好食～雙重芝士麵包辣烤雞芒士控表示：這個不得了👍🏻！好大兜，三四個人一齊食，絕對冇問題！麵包入邊全部都係超正嘅芝士汁！ 成盤嘢都好抵食，烤雞，年糕，魚蛋，芝士，泡菜～ 因為有個鐵板底盤，所以啲芝士相對冇雞蛋卷凍得咁快～ 但係勝在佢有個芝士汁😻😻！飲品方便冇太多，特別嘢就唔講啦～