影片
更多
2022-10-16
727 瀏覽
火鍋店屬如心酒店集團旗下，於旺角駐足多年，環境雅緻闊落，並設有多間大小廂房，私隱度高，好啱朋友或家人聚會😌適逢秋風起，火鍋店最近推出「秋冬滋養窩心饗宴」，以三款滋潤補氣嘅米湯玉露火鍋湯底迎接秋冬，實行打邊爐嘅同時又可進補😌.🔥花膠美人米湯玉露鍋（$298）鍋底取材講究，先將白粥煲至綿滑透徹，隔走米粒，只取以最面層米糊，及後加入花膠、淮山、紅棗及蔥絲，成為矜貴養顏嘅秋冬火鍋鍋底😍簡直為女士們而設🥰🔥京蔥羊肉餃（$118/ 6隻）秋冬進補，羊肉係不二之選。以羊肉及京蔥製成嘅手工餃子，味道略帶羊羶香，不但溫和滋補，市面上亦不太常見，屬必點火鍋配料之一😌🔥美國桶蠔（$278）桶蠔有6隻，每隻均與成人掌心大小相若，食落肥美又濃郁juicy，即使煮耐咗又唔會縮水，絕對對得起價錢👍🏻🔥「牛一快樂」火鍋蛋糕（$668）牛肉分別有A5級鹿兒島薩摩和牛、本地新鮮牛頸脊及美國牛頸脊，賣相好IGable，為牛魔王朋友慶祝生日最適合不過😌和牛選用霜降西冷，入口脂香四溢且口感軟腍；本地牛頸脊及美國牛頸脊油花相對較少，但肉味較濃及有嚼勁，最鍾意三款牛肉即使煮耐咗都唔會韌，高質靚牛果然與別不同👍🏻🔥四合丸（$118/
適逢秋風起，火鍋店最近推出「秋冬滋養窩心饗宴」，以三款滋潤補氣嘅米湯玉露火鍋湯底迎接秋冬，實行打邊爐嘅同時又可進補😌
.
🔥花膠美人米湯玉露鍋（$298）
鍋底取材講究，先將白粥煲至綿滑透徹，隔走米粒，只取以最面層米糊，及後加入花膠、淮山、紅棗及蔥絲，成為矜貴養顏嘅秋冬火鍋鍋底😍簡直為女士們而設🥰
🔥京蔥羊肉餃（$118/ 6隻）
秋冬進補，羊肉係不二之選。以羊肉及京蔥製成嘅手工餃子，味道略帶羊羶香，不但溫和滋補，市面上亦不太常見，屬必點火鍋配料之一😌
🔥美國桶蠔（$278）
桶蠔有6隻，每隻均與成人掌心大小相若，食落肥美又濃郁juicy，即使煮耐咗又唔會縮水，絕對對得起價錢👍🏻
🔥「牛一快樂」火鍋蛋糕（$668）
牛肉分別有A5級鹿兒島薩摩和牛、本地新鮮牛頸脊及美國牛頸脊，賣相好IGable，為牛魔王朋友慶祝生日最適合不過😌和牛選用霜降西冷，入口脂香四溢且口感軟腍；本地牛頸脊及美國牛頸脊油花相對較少，但肉味較濃及有嚼勁，最鍾意三款牛肉即使煮耐咗都唔會韌，高質靚牛果然與別不同👍🏻
🔥四合丸（$118/ 12粒）
以鮮蝦、鮮墨魚、蘆筍及金華火腿手打而成，丸身亮麗有光澤，口感彈牙且有淡淡蝦味，整體幾有特色👍🏻
🔥花生芽（$68）
外型比一般芽菜圓潤粗身，每條頂端連帶一粒花生，味道帶陣陣花生香，亦唔係每間火鍋店都有得食，見到必定要試😌
🔥皇帝菜（$58）
賣相新鮮翠綠，更洗得好乾淨，令人食得好放心😌
🔥楊枝甘露水滴（$48）
芒果味香甜濃郁，柚子肉及西米令口感增加，另水滴型柚子蒟蒻比一般啫喱更有咬口，且帶柚子清香，整體味道酸甜，作飯後甜品好滿足😌
.
🔥紅蓮銀耳燉桃膠（$58）
桃膠好足料，味道唔太甜之餘，仲好清潤養顏，係一道女士們都喜愛嘅秋冬甜品😌
🔥竹蔗茅根水（$88/ 瓶）
店家每日新鮮自家製，飲得出用料十足，而且清熱潤燥，配火鍋就最適合不過👍🏻
張貼
