李家 (海壩街)

營業中

休息中

李家今次要介紹荃灣海壩街果邊有一間韓國菜餐廳叫「李家」，「李家」呢間韓國菜餐廳大家一定唔陌生，佢哋最出名係炸雞，炸雞好鬼脆，仲有好多種口味揀，有骨定無骨都可以揀，輪椅人士如果要入嚟呢間韓國菜餐廳就要自備斜板，入面空間都算大，店員亦好有禮貌，經理仲係純正韓國人，好彩店員係香港人，如果唔係我就要手指指點菜啦！🤣🤣🤣一坐低就會想兩碟前菜，一碟係蘿蔔漬，另一碟係沙律。1.無骨甜辣炸雞$178（9/10）呢個無骨甜辣炸雞味道有少少甜，辣度就只有好微小辣，不過每一舊炸雞都好大舊，打開除咗好脆仲有就係肉質嫩滑多汁，食下食下原來都有15舊，份量超多！2.芝士雞蛋卷$128（8/10）呢碟芝士雞蛋卷真係好大份，面頭仲有番茄醬同芥末醬，切開只有少少拉到絲，可能芝士落得唔夠多，不過食落口口感酸酸甜甜好開胃，碟邊仲有蕃茄仔做伴碟！3.辛辣麵$58（7/10）呢個辛辣麵個麵煮得啱啱好，唔會太淋，麵質好煙韌，入面仲有一隻半生熟蛋，旁邊仲有一碟仔泡菜，雖然叫辛辣麵，但我覺得唔算好啦，份量都ok啦！4.樽裝芬達汽水$18（10/10）正常！5.樽裝忌廉汽水$18（10/10）正常！2人總共價錢$455，有加一服務費！