葉公館 (已結業)

有同事生日，搵地方食飯同佢慶祝吓，佢鍾意食海鮮，上網睇到香港街市魚類海鮮研究社推介，買海鮮去長沙灣葉公館加工，再上網睇吓葉公館，環境係酒樓格局，主打粵菜，啱晒我同事，今晚我就請佢去食返餐慶祝下！葉公館餐牌有特價菜式都好啱食，我哋就叫咗幾款。火焰楝企雞：呢款真係超正又抵食，原隻雞即叫即燒，上檯時將雞棟企放在鋼管雞盤架上，之後將酒精淋在雞上並立即點火，火焰只會燃燒一剎那便熄滅，棟企雞肉質鮮嫩多汁，再經過高溫燃燒後，皮會更加香脆，美味可口！晚市孖寶：蜜汁叉燒皇：叉燒肥瘦適中, 食落去有咬口, 蜜汁味亦都好濃郁。清蒸沙巴斑：肉質爽滑有魚味，有豐富魚油，味道非常鲜美。紅燒乳鴿：乳鴿顏色金黃，表皮酥脆，裏層的肉嫩而入味。