Cobber Coffee and Tonys Pastry (裝修中)

2小口子搵野食，去咗一間有日系感覺嘅Cafe，要嘆下，梳乎下，慢活下。等位都算快，大概15分鐘就可以入座😌🔻榛子朱古力焦糖香蕉梳乎厘班戟 $90🔻超正呀打卡一流😍。梳乎厘軟綿綿震騰騰，配上有少許朱古力味嘅淡忌廉，食落口空氣感十足又有朱古力味，仲有仲有焦糖香蕉，好正❤️。🔻焗肉醬意粉 $112🔻意粉彈牙有咬口，唔過熟👍🏻。香濃拉絲芝士配肉碎，正🤤，同埋真係好夠熱😌。🔻鹹蛋黃薯條 $68🔻超黃，超正😍，熱辣辣又香口，條條薯條都掛滿晒香濃嘅鹹蛋黃，口感一流👍🏻。不過食得多都有啲肥膩感😅🔻 Oreo忌廉碎冰 +$24🔻碎冰上面有淡忌廉同Oreo曲奇做裝飾，雖然係碎冰但係都好重Oreo味，唔會飲到底就冇晒味，所以佢真係好足料，值得推介👍🏻。