巴依餐廳

營業中

休息中

時不時都會嚟呢間羊肉舖食下飯。幾乎餐牌所有嘅嘢都食勻，但係每次我哋都會點幾樣心頭好：手抓羊、蕃茄蛋拌麵、熗苞菜、原味酸奶或者杏仁羊奶凍（今次嗌咗後者）。手抓羊大大煲呈上原汁原味自己審上孜然辣椒粉非常惹味趁熱大大啖咬落去啲人要一啲都唔蘇彈牙juicy，齒頰留香。唔好睇小50蚊一碗嘅蕃茄蛋伴麵。蕃茄、蛋簡簡單單已是絕配，炒得非常美味，撈埋啲手捍嘅煙韌麵條, 大大碗，兩三個人分不成問題。啲麵好彈牙，麵粉同手工都好好。好鍾意簡單又唔少得嘅菜蔬，熗苞菜, 係用花椒、辣椒一齊炒, 輕微嘅麻辣非常惹味，配埋羊肉麵食一齊感覺健康又均衡。甜品係杏仁羊奶凍，除咗羊奶香滑之外，仲有明顯嘅杏仁味，香甜又清新。今次仲第一次嗌咗餐牌冇寫到嘅芝麻烘馕，大大張切好呈上，中間薄身酥脆，外緣稍微軟熟有嚼頭，配埋老闆娘介紹嘅羊肉清湯一齊食，食嗰陣可點可浸，都幾夾，充滿西北風情。每次食完都好滿足，真係抵夾美味。