影片
更多
2024-06-09
604 瀏覽
好耐以前喺城大讀書，有朋友介紹帶咗我嚟食手撕雞，食完之後念念不忘，可惜嗰陣撞正疫情Covid-19，有一段時間唔需要返學直到畢業，所以亦冇再去呢間舖頭幫襯。去到依家出咗嚟做嘢，近排突然之間掛住佢，唔知自己到底係掛住呢間舖頭食物嘅味道，抑或係想念大學時期同同學相處嘅時光。呢間舖頭位於屋村商場下面近路邊，好似車仔麵咁，諗好餸即嗌即煮，老闆娘一如既往打開張摺檯、膠凳，俾我哋喺廚房隔離商場走廊坐，嘢飲就自己喺雪櫃拎，自動波同佢講價錢。招牌東坡肉太肥喇，所以我叫咗碗招牌手撕雞米線，識食一定食米線👍🏻朔晒佢啲汁😏 佢嘅菜脯同手撕雞亦都keep到水準，十分惹味份量又多，真係會辣到高潮😆配菜加咗白蘿蔔，切到大小適中，煲得幾腍，以為佢應該會有啲鬚，出乎意料之外，幾滿意啦呢個價錢。今次我帶咗個朋友去，佢話間舖頭個名叫自家餃子，所以應該要嗌餃子喎，仲話要煎嗰隻先好食，果然冇令到我哋失望。佢個煎餃子厚皮得嚟好煙靭，燶邊餃子又脆口，即叫即包即煎，雖然有啲太油膩，餃子餡料放咗韭菜肥豬肉，十分邪惡👿佢仲足料到非常之驚人，10件餃子，每件好似我手掌一半咁大，我哋食到第6嚿已經頂唔順，要投降😮💨其實整體呢間嘢食係偏鹹
去到依家出咗嚟做嘢，近排突然之間掛住佢，唔知自己到底係掛住呢間舖頭食物嘅味道，抑或係想念大學時期同同學相處嘅時光。
呢間舖頭位於屋村商場下面近路邊，好似車仔麵咁，諗好餸即嗌即煮，老闆娘一如既往打開張摺檯、膠凳，俾我哋喺廚房隔離商場走廊坐，嘢飲就自己喺雪櫃拎，自動波同佢講價錢。
招牌東坡肉太肥喇，所以我叫咗碗招牌手撕雞米線，識食一定食米線👍🏻朔晒佢啲汁😏 佢嘅菜脯同手撕雞亦都keep到水準，十分惹味份量又多，真係會辣到高潮😆配菜加咗白蘿蔔，切到大小適中，煲得幾腍，以為佢應該會有啲鬚，出乎意料之外，幾滿意啦呢個價錢。
今次我帶咗個朋友去，佢話間舖頭個名叫自家餃子，所以應該要嗌餃子喎，仲話要煎嗰隻先好食，果然冇令到我哋失望。佢個煎餃子厚皮得嚟好煙靭，燶邊餃子又脆口，即叫即包即煎，雖然有啲太油膩，餃子餡料放咗韭菜肥豬肉，十分邪惡👿佢仲足料到非常之驚人，10件餃子，每件好似我手掌一半咁大，我哋食到第6嚿已經頂唔順，要投降😮💨
其實整體呢間嘢食係偏鹹，不論係菜脯還是手撕雞汁，不過有時候野食就係食佢一份回憶，一份感動，每次行過呢頭，我都會諗起以前仲係學生，同班朋友一齊讀書📚嘅日子。
煎餃子 + 手撕雞米線
738 瀏覽
1 讚好
0 留言
張貼
