Chatterbox Express (已結業)

話說對上次去太古，都唔記得幾時啦。今次黎就約左朋友你到太古食新加坡野，呢間新加坡餐廳係香港好少分店，另一間係尖沙咀。去唔倒旅行就唯有食下呢啲餐廳過下癮，呢間餐廳點餐方式可以用手機點餐嘅，都算方便，價錢又係即刻睇倒，也可以按需要作調整都唔錯唔錯。今晚見到有期間限定嘅咖喱豬肋骨煲，就忍唔住要即刻嗌，感覺有飯同薄餅揀嘅，咁我揀左薄餅。另外仲嗌左肉骨茶麵線，肉骨茶配飯就食得多，但配麵真係未試過。上菜時又覺得份量係非常之足夠，同埋個樣真係好似去新加坡食咁樣，味道亦都係同喺新加坡食係幾乎一樣嘅，完全過足旅行癮呀，最值得一讚就係個咖哩，我成個咖哩係要另外落柯打嗌多一個飯先得，因為佢真係好岩送飯，係極力推薦，同埋我諗住短期內要再返呢間餐廳再食多次。肉骨茶麵線都唔錯，有胡椒香味同埋顏色淺唔喺好濃嘅，同平時喺新加坡食嘅差唔多，麵線係幼身就易入口好好食嘅。