炯記餐室 (美麗閣)

營業中

休息中

之前已經試過呢間餐廳既燒味 覺得唔錯 今次就同朋友黎食下 🥢棋哥袐傳燒鵝撈粗 $58燒鵝皮好脆 仲要係我最愛既脾😍 食落去有一陣木既味 可能同佢用荔枝柴黎燒有關 燒鵝肉質唔錯 唔會話好乾好柴 又唔會太肥 個粗麵聞落去好香 呢到用鵝油去撈 同平時出面食開既撈麵完全唔同🥢鹽焗手撕雞小食 $32手撕雞個肉幾嫩 鹽焗過既有小小鹹香 調味適中🥢叉燒拼脆皮燒腩仔配瀨粉 $50燒腩仔皮夠脆 叉燒揀左要瘦d 都算淋 唔會咬唔到🥢冬菇扒生菜 $20呢個菜我覺得係成餐入面最好食同最抵食 冬菇夠入味仲要收你廿蚊 絕對冇投訴🍹阿華田雪山 跟餐+$8唔算太甜 上面有d穀物 都幾特別