華香園

營業中

休息中

懷舊茶檔買少見少， 一聽到又有茶檔要結業或搬遷，總會想去幫襯同懷緬一番😅。今朝特意嚟海防道臨時街市華香園食豬扒包，就是因為街市做到十一月底就要進行重建， 時間需要整整一年呀🙄😒。 呢度嘅豬扒肉嫩味濃，帶點點甜味， 好juicy, 配新鮮白方包，唔烘底更能突出豬扒味。家姐就點左豬扒麵餐，但佢話要趁熱食，所以唔俾我影相😒。哼！我自己下次再嚟， 不過到時我可能係要食豬扒雞翼飯囉😂😂😂。佢仲有馳名瓦煲奶茶， 用瓦煲煲嘅奶茶茶味清香，飲落順喉，味道雖然冇人家嘅濃郁，但反而有點小清新。