福源川香閣

營業中

休息中

朋友推薦一家係香港都食到正宗貴州烙鍋既餐廳，須要提早一天前預約，餐廳師傅要提早預備，以確保客人食到最新鮮嘅食材。貴州烙鍋係一種地方小食，靠菜籽油和炙熱鐵板，逼出食材鮮爽滋味，菜籽油聞落去非常香。今次揀咗配料洋芋粑粑、新鮮牛肉、新鮮黑毛豬肉五花、手撕豆腐幹，涼菜米豆腐。洋芋粑粑由土豆粉、糯米粉、豬油渣搓成既粉團，烤至兩邊焦香就食得，入口外酥內嫩。新鮮牛肉牛肉非常新鮮，呈鮮紅色，牛味濃，肉質鮮嫩。新鮮黑毛豬肉五花肥瘦分佈剛好，口感鬆化而不肥膩，肉質純香而濃厚多汁。手撕豆腐幹貴州臭豆腐，烤過既豆腐幹香口，加埋貴州秘製醬汁同埋辣椒粉食超美味。米豆腐用左紅油、麻油、花椒油、醬油、醋、蒜等調料淋於米豆腐上，潤滑鮮嫩、酸辣可口。冰粉透明晶瑩剔透，吃起來軟滑消暑。