壹檸壹鮮果茶

營業中

休息中

同同事食完午飯之後經觀塘工業區返office，大熱天真係熱到頂唔順，行經呢間鮮果台飲店簡直覺得係救星降臨，揀咗杯紅柚小清柑同榴槤甘露急救下呢杯紅柚小清柑確實非常適合夏天，尤其是咁熱嘅天氣，飲落非常清新解暑，酸酸甜甜，飲到粒粒紅柚，茶底又特別清香，一飲就忍唔住係咁飲，即刻refresh返！見佢都提供好多生果類別嘅飲品選擇，但同事作為榴槤控見到呢個榴槤甘露佢就話一定要試下，佢盛讚榴槤味非常濃郁，仲畀我睇下杯內成大舊榴槤肉，攪拌均勻後飲真係齒頰留香。另外都讚下佢嘅包裝都幾潮，紙袋用色同杯身都好潮，唔知以為係服裝店嘅紙袋！不過飲品好飲就最真，比起連鎖手搖飲品店，茶底更香同特別，用料又足，價錢唔貴，絕對有下次！