Coffeelin (高街) (已結業)

西環呢間咖啡店比起普通咖啡店悠閒，座位唔多，都夠空間，坐得舒服。客人都相對地悠閒地嘆杯咖啡。呢度除咗咖啡之外，仲有唔同嘅食物：例如gelato、蛋糕、panini等。叫咗mocha 及dirty~ Mocha揀左燕麥奶，味道有燕麥香，另外有淡淡朱古力味，咖啡味較香濃。拉花都幾靚～Dirty味道比較似齋啡，咖啡味亦都好突出。叫咗一件brownie，有驚喜！係店自製，外面脆脆地，入邊軟軟地，充滿朱古力粒。有少少溶溶地嘅口感，好食！見到呢度有Gelato，立即試吓。叫咗三球。揀左接骨木花味，味道好清新，估唔到味道咁好食，酸酸地有啲似益力多。開心果味相對地甜。海鹽焦糖我就幾鍾意食，因為唔會太甜，海鹽味及焦糖味非常平均。