德國餐廳 (大埔超級城E區)

營業中

休息中

之前呢間餐廳喺太和翠怡街附近，以前都會專登去豬手嘅，因為始終喺大埔嘅德國餐廳唔多，而佢啲食物質素同價錢都好吸引。呢幾個月佢就搬咗去大埔超級城，梗係要去試吓。餐廳新開裝修環境好新淨闊度，亦都唔需要等位。嚟到一定要食佢嘅脆皮豬手，豬手份量好大舊兩至三個人食。個豬皮燒得金黃香脆，而且廚師已經幫手拆晒啲肉出嚟，食起上嚟真係好方便。佢嘅薯蓉同埋酸菜同樣出色，配搭起嚟個豬手真係冇得輸。另外仲叫咗個西班牙海鮮飯，個飯都等咗一段時間先上菜，但係明顯焗得over 咗少少，食起上嚟無論係蝦或者其他海鮮，甚至乎係飯都係比較乾身嘅。餐廳仲有好多唔同嘅德國黑啤同啤酒，下次黎到可以試吓餐廳其他嘢食。啱哂一大班朋友嚟飲酒同埋食嘢。