名苑 (已結業)

假期的最後一日，到左屯門行下兼同家人飲餐茶，市中心茶樓唔多？定係我唔識搵啦😂轉左幾個圈先見到有間名苑，即刻攞飛先。超多人等喎，兩點幾等到三點先有枱，仲要坐低一陣落完點心就話last order，好彩埋完單係可以繼續飲嘅。⭐香煎臘味蘿蔔糕都幾好食，有蘿蔔絲同少量臘味，貼心地上枱已附上辣醬。⭐馳名中山粉果其實個人喜愛潮洲粉果多啲，不過中山粉果少食咪叫下，入面有筍、豬肉、冬菇等，味道都ok，可惜有兩隻爆口。⭐京式炸蔥花卷同另一間茶樓一樣樣嘅蔥花卷，懷疑佢地係同一集團或同一個供應商😂呢間用炸方式，香口嘅但有啲油益味。⭐豬骨濃湯燒鵝米線賣相一般但又意外好味，濃底鮮甜米線彈牙，燒鵝皮香肉嫩。仲叫左其他炒野同點心但賣晒，算啦，純粹想搵間新店坐下啫😌