影片
更多
2023-04-12
1478 瀏覽
上星期食完同一集團嘅半自助晚餐，收到2+2復活節優惠自助午餐嘅資料，約咗個日本friend 同兩個小朋友，當然帶埋好醒目嘅家姐，今日過嚟食復活節大餐。用膳時間由中午12:00到下午2:30。我哋11:50已經到咗餐廳門口，因為未夠鐘，所以喺外面排隊等。佢哋安排張枱喺好入，心諗要行好遠先攞到嘢食。😢家姐一開始就攞熱食，我哋其他人都由前菜或者麵包開始。我攞咗絕對降低「戰鬥力」嘅沙律。😂然後係海鮮冷盤，我唔敢攞咁多，龍蝦鉗、螺、凍蝦同青口都係攞一、兩隻。最欣賞啲螺，非常新鮮，我用兩枝普通牙簽就輕易咁將成條又爽又甜嘅螺肉拉哂出嚟😋。龍蝦鉗都好新鮮，不過個殼好硬又冇工具開，我攞咗把餐刀去撬開佢。😅青口就真係麻麻哋，粒肉細到粒波子咁「大」，但係又冇波子咁漲卜卜。😢跟住繼續食凍嘢，魚生只有四款：醋鯖魚、三文、吞拿同鯛魚，新鮮加厚切，唔錯。值得一提係：我個日本friend 話佢從未見過咁特別嘅壽司卷，佢話應該係香港local 先有，所以佢都試吓，仲話最有特色喺天婦羅壽司卷。聽完佢咁講，我都攞咗四件，雖然又唔覺唔覺咁食咗好多飯😅，但係又真係好有特色，仲好好味添。😋😋我以前好鍾意食生蠔，今日見到好多人排隊
我哋11:50已經到咗餐廳門口，因為未夠鐘，所以喺外面排隊等。佢哋安排張枱喺好入，心諗要行好遠先攞到嘢食。😢
家姐一開始就攞熱食，我哋其他人都由前菜或者麵包開始。我攞咗絕對降低「戰鬥力」嘅沙律。😂
然後係海鮮冷盤，我唔敢攞咁多，龍蝦鉗、螺、凍蝦同青口都係攞一、兩隻。最欣賞啲螺，非常新鮮，我用兩枝普通牙簽就輕易咁將成條又爽又甜嘅螺肉拉哂出嚟😋。龍蝦鉗都好新鮮，不過個殼好硬又冇工具開，我攞咗把餐刀去撬開佢。😅青口就真係麻麻哋，粒肉細到粒波子咁「大」，但係又冇波子咁漲卜卜。😢
跟住繼續食凍嘢，魚生只有四款：醋鯖魚、三文、吞拿同鯛魚，新鮮加厚切，唔錯。值得一提係：我個日本friend 話佢從未見過咁特別嘅壽司卷，佢話應該係香港local 先有，所以佢都試吓，仲話最有特色喺天婦羅壽司卷。聽完佢咁講，我都攞咗四件，雖然又唔覺唔覺咁食咗好多飯😅，但係又真係好有特色，仲好好味添。😋😋
我以前好鍾意食生蠔，今日見到好多人排隊，因為早一輪，腸胃唔係幾okay所以唔敢食，反而我哋五個入面年紀最細嗰個話要食。😂
其實我都未開始食熱嘢，就已經好飽😂，沙律果然減低咗我嘅戰鬥力。😭不過少少哋都要食啲嘅：紅咖喱雜菜、青咖喱雞、新鮮出爐嘅印度薄脆餅，再加一塊燒牛肉，加多一細碗豬腳薑同兩匙梗荷葉飯。夠哂啦，要留返啲位比甜品。😂
食自助餐點少得甜品吖：我等咗超過五分鐘都係為咗塊窩夫，將啲雪糕放喺塊熱辣辣嘅窩夫上面，睇住佢溶咗流入啲格仔度，再切嚟食，簡直係一種享受！其中一個小朋友攞咗一件有隻蝴蝶嘅蛋糕仔，佢話唔係件件都有蝴蝶，我問佢係咪紙嚟嘅，佢話係chocolate，跟住成隻蝴蝶放咗入口（一定係驚我會攞咗佢隻🦋)😂
今次呢個復活節優惠真係好抵，人均唔使$300。唔好睇小啲細路，佢哋隨時食得多過你同我。😂
總括嚟講：食物款式多、食材夠新鮮、價錢又唔貴、係超值之選。😋😋👍🏼👍🏼
張貼
