Hunger Burger

營業中

休息中

西九龍中心有好多嘢食。最近開咗呢間burger，見到佢有個『芝士瀑布雞堡』，因為自己係芝士控，一見到即刻點來試。 另外加15元轉餐，嗌咗西蘭花同埋汽水。首先，等呢個漢堡等咗勁耐，應該有超過20分鐘。冇諗過食漢堡包都要等咁耐，漢堡不是快餐嗎？為何要等咁耐呢 ！？企咗喺個門面度等佢整，見到佢煎緊雞扒嘅時候，整緊個汁，喺個汁裏面再加咗多一塊芝士。 然後佢上咗薯條比我，我話要西蘭花，佢先慢慢去焗。 心諗而家先焗，有排先焗得熟啦。等咗咁耐終於有得食。首先望下個西蘭花，焗到燶曬，佢應該冇事先汆水，直接攞啲西蘭花去焗，面頭乾爭爭，唔太熟，仲係爽口嘅硬質地，加咗啲鹽，超級咸，完全食唔到西蘭花嗰種味，亦都唔覺得好健康，因為焗到燶曬。到主角『芝士瀑布雞堡 』。佢有畀到手套，可以直接攞住食，呢個好貼心，要讚嘅。不過佢個汁真係超級超級超級咸我好似食緊啲鹽咁。除咗鹹味，成個雞堡食唔到其他味道。最後我都冇食曬，因為實在太鹹啦。呢個價錢，出面食到好多好好味嘅漢堡包，以後都唔會再幫襯。