影片
更多
2012-04-30
112 瀏覽
某年某月的某一天, 整個星期都下雨, 這天下午只是大雨過後的天晴, 不過我們駕車去荃灣沿途一路向着黑雲那邊走, 到大帽山腳已經是陰陰天了, 同天晴的日子相比來飲茶嘅茶客明顯少了很多, 我們只是選了路邊的茶寮雅座, 由于只是天陰即使落雨也不是大風大雨那種, 所謂落雨都只不過是落濕地那般微微細雨,襯住一陣陣隨輕風而至嘅霧氣, 在這類型的山谷之間份外感覺到春夏交接那潮濕又帶點溫暖的特性, 万物得到雨水滋潤好些花兒早早已經開過了, 亦由於這樣春暖花開的日子來這裡的客人當中不乏重裝備的龍友們, 雨景亦有雨景的浪漫呢,我們則只是三個閒來無事的食客, 早三個星期試過村下嘅”瑞記”今趟來試埋這路邊茶樓, 算是兩家都品嚐過了,當日只是純點心, 品種如下:义燒腸- 看樣子很一般, 但食落個粉皮有些靱力亦沒有過份的厚, 只是餡料的义燒切得很碎, 咬落沒有口感之餘亦無乜肉味,還好有點香茜葉點綴一下, 未致太失望,春卷- 因為見佢新鮮炸出來, 攞咗一碟, 外觀老實講唔太吸引, 因為內餡似乎係一些加咗醬油醃嘅豬肉碎,菜甫之類嘅濃味嘢, 由於色深從外面都睇到中間一截是深啡色的, 講樣就係輸蝕咗少少架啦, 不過炸嘢講
我們則只是三個閒來無事的食客, 早三個星期試過村下嘅”瑞記”今趟來試埋這路邊茶樓, 算是兩家都品嚐過了,
當日只是純點心, 品種如下:
义燒腸- 看樣子很一般, 但食落個粉皮有些靱力亦沒有過份的厚, 只是餡料的义燒切得很碎, 咬落沒有口感之餘亦無乜肉味,還好有點香茜葉點綴一下, 未致太失望,
春卷- 因為見佢新鮮炸出來, 攞咗一碟, 外觀老實講唔太吸引, 因為內餡似乎係一些加咗醬油醃嘅豬肉碎,菜甫之類嘅濃味嘢, 由於色深從外面都睇到中間一截是深啡色的, 講樣就係輸蝕咗少少架啦, 不過炸嘢講求嘅係新鮮食, 所以這個春卷算是”合格”了
郊外油菜- 選了菜心, 由於是本地出產, 菜有甜味亦不會老身, 要彈的可能只係個豉油稍稍濃口了一點, 沒沾上豉油的菜更見清甜
雞飽仔- 飽皮是甜飽皮, 餡料偏小, 薑汁味太少, 呢品唔多得喎
牛肉球- 一碟兩大球, 質地彈牙但彈力有點過咗火, 稍見人工化
炸芝麻面煎堆糍- 一餅切開六角, 但這款是厚皮版本, 主要食其煙靱黐牙口感,中間夾少少一層簿嘅豆沙餡, 甜度適中, 芝麻香口, 一人兩件雖則有點油膩但都幾啱口味
春蛋燒賣- 春蛋沒有蒸乾, 底部只放一小堆豬肉碎比較少醃的所以吃到豬肉的原味,
炒銀針粉- 這裡的炒銀針粉落味重一些, 炒嘅料頭也叫做多一些, 自然味道也可以說是好一些了, 銀針粉本來就無乜味道,全憑其他材料及調味才能有味,
當日飲壽味茶- 個人感覺較清淡,但”清淡”這形容詞並沒有負面意思,
點心雖然只叫了這8品但相反座的時間比平時的飲茶更長, 因為客人雖然不多但有些客人則是一般茶樓不會見到的, 例如有一對男女帶咗一隻全身雪白嘅金剛鸚鵡來一齊品茶, 食下食下又有隻地胆犬出來逐枱問攞嘢食, 我們座的雖說是露天位但當日吸煙的茶客不多只有一個阿婆食過煙, 其餘的都無人食過煙, 出乎意料之外, 望着灰朦朦嘅天色下襯配紅瓦頂, 呼吸着山間的清新濕潤嘅空氣, 哪會不吸個飽才返市區呢, 如果點心可以再精緻一點, 用油少一點, 肯定價錢又會再上升一點, 不知不覺間我們座到三點半才埋單, 人家都打烊了,
張貼
