易牙台式料理

營業中

休息中

因為工作關係，需要喺銅鑼灣搵啲嘢食填下肚。由於同事都唔係好諗到食啲咩，於是我哋決定喺金百利廣場求其搵間餐廳食野。呢間台灣餐廳睇落評價都幾正常，加上我又未試過，所以就同同事提出不如食呢間啦。入餐廳嗰陣大概係晏晝一兩點，但成間餐廳環境都幾冷清，無乜客人。-椰香麻辣海鮮湯麵呢碗湯麵都令我幾失望，湯底唔夠麻辣，辣椒味完全唔香，椰香亦都欠奉。湯麵入面嘅海鮮普普通通，食完無乜特別感覺，鮮味亦都唔足夠。-凍珍珠奶茶珍珠奶茶好普通，奶茶無乜餘香，奶味亦唔濃郁。只係啲珍珠算過得去，未至於太硬，但亦唔算好煙韌。