The Right Place (寶勒巷)

營業中

休息中

呢間餐廳既set lunch定價稍高，但普通飲品可無限添飲，指定某啲咖啡就只限一杯。我地叫左雞扒，豬扒，牛扒三款，每款都好好食。我叫既豬扒夠濃味，肥肉旁邊啲位十分軟，好好食又香。不過邊位稍為熟左少少，有啲硬。不過比平常食開既豬扒已經好食好多，好滿意。同事叫既牛扒都試左少少，都係好香，有牛味。而且本來以為lunch set入面既牛都唔會好得去邊，但佢呢個牛係意料之外咁好食。平時最怕就係啲港式西餐廳食到落左好多鬆肉粉又無哂牛味既牛扒，所以今次食到呢個牛覺得都幾意外。咖啡普通啦！不竟都唔係專賣咖啡既鋪頭，但係都算唔錯，唔會苦唔會酸。雖然都稍貴，薯菜份量稍為少，但係女仔絕對夠食，而且絕對值得再食。