老四川水煮魚莊

營業中

休息中

第一次幫襯，本來想堂食午餐，點知間店好忙無細枱，店員做唔停，於是嗌外賣自取。餐牌寫送熱飲，但係問店員佢話係無嘅。水煮魚都幾大份，有成十幾塊魚片，底下有幾塊綠豆涼皮同芽菜。魚塊唔係龍利柳，係有好多骨嘅鮮魚，不過本人不才就唔知係咩魚喇。味道方面，本人以前喺外地食過移民主理嘅水煮魚，真係又辣又麻到不停飲冰水，對比之下就覺得呢間很麻但係唔算辣，都係調過適合香港人口味。綠豆涼皮超好食。溫馨提示，食水煮魚真係要小心，魚片帶骨，有d骨落咗湯，同埋咬到花椒就會好麻。整體印象唔錯，可以encore不過我就唔揀魚喇。