CoCo Espresso (已結業)

夜晚嘅超級城唔算多人，坐係呢間Café嘅時候有一種好舒服同寧靜嘅狀態；店員後生，而且服務暖心，故可以係一個成日黎嘅地方。純白色的設計，環境寬敞。我同朋友各自叫左一份「香煎鱸魚柳配沙律」及「墨汁意粉伴牛油香煎北海道帶子」。魚柳外皮煎得香脆，配上加左醋嘅沙律菜，十分開胃，魚油亦都豐富左沙律菜嘅味道。魚肉嫩滑，煎得恰到好處，加上少少鹽，令外皮更惹味。墨汁意粉，麵條幼身同爽，唔淋，餐廳炒嘅時候落左鹽，如果嫌鹹的話可以自助斟幾杯水，帶子大粒，煎得香口。咖啡師嘅設計，令到悶悶不樂嘅我嘅心情都好左，呢杯係Mocha，朱古力味濃郁。另外亦都叫左杯檸檬梳打，清清地都幾好。最後我額外叫左一個雜莓芭菲，唔會好甜且帶微酸，好食。