成日聽柴灣人講話「悠」好食，咁住得柴灣無理由唔試下，
今晚終於同老公女女過左黎食，點知不外如是，野食十分一般，
我地叫左燒雞泡魚乾、大阪燒、東京風炭燒雞扒烏冬、和風滑蛋豬肉飯、明太子雞翼
大阪燒：感覺好面粉，食得好漿口，
東京風炭燒雞扒烏冬：揀左蕃茄湯底，個蕃茄湯底好明顯係係蕃茄醬煮出黎，個味好假，塊雞扒勁"鞋"，完全唔係炭燒出黎，
和風滑蛋豬肉飯：滑蛋唔係滑蛋黎，太熟，豬肉好肕，同嘛唔覺得有和風汁，
明太了雞翼：食落口雞翼入面都唔似係明太子，
燒雞泡魚乾：唯一覺得正常既野食，
埋單300蚊，真心咁既價錢，可以有更好既選擇！
