玖子茶 (如心廣場二期)

營業中

休息中

同朋友各自去完東京，食咗好多日本嘢係時候轉下新口味，食下東南亞菜。裝修行懷舊馬來西亞風，風格有啲似九份飽。食馬拉菜，唔少得肉骨茶。肉骨茶底較清，唔會太重藥材味，就返港人口味。沙爹串燒牛肉拼雞肉，各2串，share 食岩岩好。串燒用咗竹籃載着，配上好多花生粒嘅沙嗲醬。個人更愛牛肉串燒，燒得好香，牛味好特出。芝士蔥酥巴東牛肉卷係坊間比較少見嘅小食，朋友決定食一食。蔥酥卷好鬆脆，芝士帶出咸香，再夾上巴東牛肉，岩曬重口味，有夜市風味。胡椒豬頸肉粒蟹籽炒飯炒得好惹味，一啲都唔油。豬頸肉粒大大粒，夠甘香。分量十足，一個人一定清唔曬。總結：無論裝修定味道都感受到星馬風情，性價比高。