am.pm (譽發廣場)

營業中

休息中

聖誕節除咗打卡之外，緊係食甜品啦！今日行街經過油麻地見到架黃巴士，呢架巴士吾可以載你去想去嘅地方，但佢可以滿足到你第二個胃，因為佢係一架甜品巴士。所以我都忍吾住買咗日式梳乎里班戟同牛角包窩夫試下，兩樣都有成8款口味咁多，選擇困難症嘅我又發作喇！最後我就揀咗超人氣嘅奶油草莓梳乎里，粉紅色嘅賣相觸動少女心，班戟漿用時令雞蛋同日本麵粉製成，每份即叫即製，蛋香味好突出，入口軟綿富空氣感。而牛角包窩夫就揀咗排名No.1嘅黃金布丁燒，牛角包發酵4小時製成，入口啖啖牛油香，口感酥脆。上面鋪滿布丁，店員再加上焦糖用火槍燒至金黃色，賣相相當吸引。而家牛角包窩夫仲有75折優惠，真係超抵食！另外仲買咗杯宇治抹茶牛乳，牛奶用咗日本3.6牛奶，奶味香濃，抹茶入口順滑，珍珠口感煙韌，味道不會太甜。