影片
更多
2014-06-26
12201 瀏覽
2013年年中在團購買過 2+2 的自助餐，覺得好食，食過番尋味。今年又年帝都做團購，決定再同老公去食過。我地都係首批進場，位置安排在生蠔檔側。雖然係岩岩開始，但已經排晒長龍拎蠔，超嘈超焗，要求調位，都好快安排到。換位後去揀野食，今次主題係 “海鮮日式爐端燒自助晚餐”，但搵極都無海鮮日式爐端燒，只見燒三色椒，燒茄子，燒粟米。而所謂的海鮮，都只係放入焗爐 / 蒸爐整熟就拎出黎。扇貝我都係在開始時見過一眼，之後就再無見過了。係得蟹，魚同蠔叫 refill 得快之外，都無其他特別海鮮了。日式食物，魚生在首批食時好好食，但之後再去拎就唔得了，多根有骨。壽司部仲得意，首先握壽司嗰位職員好生手，排到好長龍。其次壽司 d 飯好握到好實，無醋味，配料同飯分開的，塊紫菜仲要係冧晒！喬麥麵以為普普通通，點知一放入口簡直係變返一團麵粉一樣，都唔知食緊 “麵”。熟食方面，比上年的差好多。所有的熟食 “超熟”，無論羊架，燒牛扒，定係咖哩牛肉等，都係要花唔少時間咀嚼先可以食到。沙律菜唔新鮮，咬落口一 d 都唔爽脆，又係冧晒。連沙律汁都無咩味。甜品方面，唔算多選擇。蛋糕唔知放左幾耐，一係就成個蛋糕底濕晒，一係就 d
我地都係首批進場，位置安排在生蠔檔側。雖然係岩岩開始，但已經排晒長龍拎蠔，超嘈超焗，要求調位，都好快安排到。
換位後去揀野食，今次主題係 “海鮮日式爐端燒自助晚餐”，但搵極都無海鮮日式爐端燒，只見燒三色椒，燒茄子，燒粟米。而所謂的海鮮，都只係放入焗爐 / 蒸爐整熟就拎出黎。扇貝我都係在開始時見過一眼，之後就再無見過了。係得蟹，魚同蠔叫 refill 得快之外，都無其他特別海鮮了。
日式食物，魚生在首批食時好好食，但之後再去拎就唔得了，多根有骨。壽司部仲得意，首先握壽司嗰位職員好生手，排到好長龍。其次壽司 d 飯好握到好實，無醋味，配料同飯分開的，塊紫菜仲要係冧晒！喬麥麵以為普普通通，點知一放入口簡直係變返一團麵粉一樣，都唔知食緊 “麵”。
熟食方面，比上年的差好多。所有的熟食 “超熟”，無論羊架，燒牛扒，定係咖哩牛肉等，都係要花唔少時間咀嚼先可以食到。
沙律菜唔新鮮，咬落口一 d 都唔爽脆，又係冧晒。連沙律汁都無咩味。
甜品方面，唔算多選擇。蛋糕唔知放左幾耐，一係就成個蛋糕底濕晒，一係就 d cream 硬晒！而雪糕之前都預左會好快溶，因為係有專人幫你畢雪糕，個雪糕櫃開開合合，驟眼睇面頭 d 雪糕已半溶狀態。
生果又係唔多選擇，放在一個唔起眼的地方。印象中得兩三樣生果可選。
飯後返到屋企，超口渴，同老公不斷飲水，都唔知食左咩食物咁濃味 / 味精。
總結，今次完全失望！食物除魚類之外，無一可取！想再回味 2013 年的味道，指日可待！
張貼