C DESSERT

營業中

休息中

聽講係聰嫂甜品原班人馬主理，以前成日食開，依家開番要再到訪。榴槤水晶珠(凍）有好大嚿榴槤肉，香氣濃烈，底部係冰，一齊食好似食緊榴槤雪糕咁冰涷，水晶珠一咬好似爆炸糖咁，口感很炸～芒芒麗莎(凍）集合晒我最愛的食物，芒果汁、椰果、水晶珠、小丸子、芒果粒，材料豐富，我稱呢個為楊枝甘露升級版～椰汁燉雙皮奶(熱）坊間燉雙皮奶，好少落椰汁，呢碗好香椰汁味，而且做到又滑又嫩。香蕉朱古力醬焦糖脆脆窩夫除咗糖水，仲有窩夫。窩夫似牛角包咁鬆化，有雪糕球慢慢溶緊，再加上焦糖脆脆、香蕉，冷熱交融，多重口感。