雞記潮州麵食

營業中

休息中

話說雞記都係我喜歡嘅魚旦粉面店之一，一有機會去開尖沙咀都會去食番碗魚旦麵！今日去尖沙咀做完嘢就去幫襯下！我坐近門口位置就見到淥麵阿哥口罩帶下巴，侍應幫我落單後都唔見淥麵阿哥有所行動！原來煲梗煙，然後見佢出去一陣返來又拎住啲食完嘅碗入嚟仲一身煙味🚬撲入嚟！先拉番個口罩上咀但又唔見佢洗手就淥我碗麵！我其實已經好介意，點知佢又再一次口罩帶下巴原來煙癮又起！根本就煙駁煙即係唔洗帶啦！我一邊食一邊條氣頂住、頂住！然後仲見佢同水吧伙記吹水！我終於忍唔到同銀頭有2位女士一位年紀大少少另一位短髮帶眼鏡，我就叫嫩嗰個過嚟我同佢講妳叫妳位淥麵阿哥帶番個口罩啦！佢就好溫柔地拍拍佢，佢先至又拉番個口罩上咀露出半個大鼻！我覺得佢哋冇好適當地正視呢個非常時期嘅問題然後我埋單時又忍唔住同大年紀嗰位講：我唔知妳係咪僱主，但如果妳哋係僱主都縱容呢種事情發生就好唔應該囉！帶住口罩大家都會覺得唔方便同唔舒服但係都要帶囉！然後佢先按撫我話會同佢講，唔好意思小姐～我唔知淥麵阿哥係咪老闆定打工，但係而家非常時期麻煩唔好咁自私！我唔影你相擺上網或打電話去報下寸真係俾個機會你咋～麻煩你醒目做番好自己本分唔好咁自私😪😪