影片
更多
2019-03-20
519 瀏覽
要投訴！琴日朋友生日，想買個蛋糕慶祝下，於是中午打電話，問可唔可以雪蛋糕同埋問要唔要收切餅費！店員話可以雪！暫時無話收切餅費！(即是唔洗收la)於是，拎住蛋糕大約7點半鐘食飯！去到餐廳，我問店長講，可唔可以雪？佢既語氣同態度都好差、好串咁答我：要 睇 下 個 雪 櫃 有 無 位！之後就一手拎走左我個蛋糕了。仲加多一句，我地唔提供碟！其實我都無咩野，只係都明白既。所以我話好，知道。唔該！叫好野，食飽左，之後我示意叫店長幫忙執野，點知佢一手收走我生日果位朋友食緊既野！下？請問發生咩事？之後仲要整跌匙羹落我個袋到，d汁滴左落去，一句對唔住都無！真係諗住扮無野！同我地唔知道！但我地都無出聲，因為見佢都有幫我雪蛋糕！但我覺得好不負責任之後佢放埋牙簽係我地枱，但我見到佢無咩反應想拎蛋糕比我，之前我偷偷地行出去，同佢講聲話，可以拎個蛋糕比我架拉。點知佢一句 好大反應話 ：唔！可！以！係！到！食！我心諗咩事？點解無人同我講？電話無講，佢拎走我蛋糕時，無講！到我呢家話食果陣，話唔得？之後我話：中午打來，你地同事無講過唔可以係度食，淨係話，可以雪！無話收切餅費！但到岩岩拎來問你可唔可以雪果時，你亦都無講唔
琴日朋友生日，想買個蛋糕慶祝下，於是中午打電話，問可唔可以雪蛋糕同埋問要唔要收切餅費！
店員話可以雪！暫時無話收切餅費！(即是唔洗收la)
於是，拎住蛋糕大約7點半鐘食飯！
去到餐廳，我問店長講，可唔可以雪？佢既語氣同態度都好差、好串咁答我：要 睇 下 個 雪 櫃 有 無 位！之後就一手拎走左我個蛋糕了。
仲加多一句，我地唔提供碟！
其實我都無咩野，只係都明白既。所以我話好，知道。唔該！
叫好野，食飽左，之後我示意叫店長幫忙執野，點知佢一手收走我生日果位朋友食緊既野！
下？請問發生咩事？之後仲要整跌匙羹落我個袋到，d汁滴左落去，一句對唔住都無！真係諗住扮無野！同我地唔知道！但我地都無出聲，因為見佢都有幫我雪蛋糕！但我覺得好不負責任
之後佢放埋牙簽係我地枱，但我見到佢無咩反應想拎蛋糕比我，之前我偷偷地行出去，同佢講聲話，可以拎個蛋糕比我架拉。
點知佢一句 好大反應話 ：唔！可！以！係！到！食！
我心諗咩事？
點解無人同我講？電話無講，佢拎走我蛋糕時，無講！到我呢家話食果陣，話唔得？
之後我話：中午打來，你地同事無講過唔可以係度食，淨係話，可以雪！無話收切餅費！
但到岩岩拎來問你可唔可以雪果時，你亦都無講唔可以係到食架喎！
我問：係咪即係要我拎走？
佢一副咀臉話：呢到無甜品可以叫，所以我地一路都無呢個service既！所以我就 唔可 以 比 你 地 係 到 食 囉！
我心諗咩意思？？？我話：你地完全內部無溝通架喎！仲要我個人黎到呢到都唔講！
咁如果係唔俾我喺度食，咁講咩切餅費呢？！
如果係唔收切餅費，但係又唔講唔可以喺度食，咁即係咩意思？仲要話唔提供碟比我？！我黑人問號啊真係？？？
到最後佢話：咁呢家我比你地係到食拉今次！
下？？係咪而家好似係係我求你比我地喺度食？
最後，我同我朋友都好嬲！同無奈...所以最後走左！拎住個蛋糕唔知點好！
其實基本上由電話，到我親自拎蛋糕過去，都係唔需要講其他嘢。
只需要直接一句話唔可以係到切蛋糕同食蛋糕。就得架啦？！
張貼