素來素往 (已結業)

星期一係Green Monday，同朋友黎左大角咀嘅素來素往食自助餐，$128一位。晚餐基本上都無限時，見其他食客都係食飽就離坐，好自律👍食物自助區係正店內正中間，坐任何位置都方便拎㗎，分左一面熱食一面冷盤，仲有湯品甜品等。每款食物都有個牌子mark低係咩黎，仲有圖案表示有冇蛋奶素、五辛等，方便各樣素食人仕。我同朋友無特別要求，第一輪梗係咩都試下啦。個人推介綠色個蔬菜卷，蔬菜爽甜外皮煙韌有口感，好好食。朋友話個炒米粉勁正炒得香口，素口水雞好入味，仲真係有口水雞嘅感覺添喎。另外素滷肉飯個汁都做得好出正，色香味俱全，芫茜可以任呀正呀～蒸腸粉又滑又有咬口，醬料任落🤤素薑醋同老火湯都出色，飲左兩碗👍食飽飽係時候食甜品啦，豆腐花夠滑又有豆香。南瓜布甸好香甜，個甜味來自南瓜本身🎃，味道唔假值得一試。是晚仲有椰汁糕同桂花糕，寫明無用魚膠粉可以安心食。全部甜品都係低糖㗎，食多件都唔怕。飲品都係無限飲嘅，可以去雪櫃拎罐裝紙包飲品，又有熱普洱同羅漢果等，仲有一樣啱飲。呢個價位認真抵食，啲食物好味高質，店內唔迫好坐，店員又有禮貌，推薦呀🥰