隆姐泰國美食館 (已搬遷) 新店位置

今日約左朋友一齊去食泰國野,朋友話一定要要叫酸辣鳳爪,唔知佢係咪係到食過呢,之後佢仲叫多個沙律,呢到個鳳爪真係唔錯,夠哂辣又夠酸,鳳爪又爽口仲要夠彈牙!果然一定要叫,之後就係一個木瓜沙律,好清,酸酸辣辣咁唔錯,前菜岩哂,清爽,味道夾埋一齊唔錯,不過就會越食越辣,當然會追住黎食。之後就叫多個冬陰公,份量都夠一人一碗既,其實我唔太多依個,不過試完之後都覺得味道唔錯嫁,唔算太酸又夠辣,最緊要係有鮮味,可以試下既。之後就有串燒,幾好燒得唔會太乾,夠哂肉汁, ,沙爹汁可以辣多少少,花生味都有既!之後仲有生菜包,都算唔錯,不過豬肉碎有少少乾,唔太夠肉汁,如果有得濕少少,成個應該會更加好食。之後就食多個咖哩雞,依個會有個爐,好正呀一路煲住D咖哩,熱住咁食正好多,不過唔算太多配料只有薯仔同埋青椒,如果多D配菜就正。