Arte by Padaria (已搬遷) 新店位置

早兩日行過K11 Art Mall樓下有好多Pop up Store，其中有一間幾吸引我，佢就係將牛角包造成圓軲轆，見到都想試，不過冇我想食嘢味，可能太晏啦。佢仲有好多mouse果撻，但係因為嗰晚約咗人食飯，拎太耐又唔得。所以今次試下佢個曲奇先！曲奇有好多種口味，最後我揀咗肥B最鍾意嘅士多啤梨味，士多啤梨夏威夷果仁，同埋焦糖合桃曲奇。70幾蚊有兩塊，但係好厚實。🍓士多啤梨夏威夷果仁，塊餅嘅質地好厚，士多啤梨乾都好味。🍪焦糖合桃曲奇，塊餅上面有塊焦糖脆餅，好好味，同埋塊曲奇都好厚身， 一塊夠飽🥰佢間鋪仲有其他好特別嘅蛋糕，例如乳豬蛋糕。😍