丼吉日式吉列豬排專門店 (新城市廣場一期)

營業中

休息中

沙田新城市7樓嗰度自從好多年前裝修咗之後，幾乎成場都係餐廳，有各式各樣嘅菜式，其中日本野嘅除咗一間賣壽司之外，仲有一間專賣日式吉列定食嘅。今日同朋友嚟咗食飯，叫咗個吉列蝦拼豬扒定食。定食係跟埋椰菜絲，麵豉湯，漬物同埋白飯。呢度價錢都唔平，食SET LUNCH大概都要差唔多二百蚊， 但質素都唔錯，算做得幾正宗。吉列外皮非常之脆，甚至有微微嘅拮口。豬扒仲係有汁，唔會炸得好乾，合格嘅。蝦就正常，普通一Ｄ。配埋他他醬就唔錯。吉列食物份量一啲都唔少，如果係女仔有時都未必食得晒。至於生椰菜絲就清涼爽脆，沾埋佢哋嘅特製醬汁，送飯就最好啦，唔夠好似可以再添。米飯係應該用上日本米，飯粒香滑都唔錯．但當然啦食吉列豬扒，係比較難送飯．都係要靠埋漬物去送飯嘅。呢度係新城市嘅餐廳黎講都算係坐得比較舒服嘅，座位唔太迫，就算午市都唔會太嘈，所以如果係BUSINESS LUNCH或者係約咗人傾計，呢個都係一個好選擇。