小清邁 (柯士甸大廈) (已結業)

今日經過呢間外賣泰國菜，見都幾多人喺度等外賣，咁應該質素唔錯，所以我又排埋一份，睇睇餐牌，佢地d價錢都大眾化，所以叫幾款外賣返屋企試吓。無骨海南雞飯，雞嘅份量都幾多，雞肉非常之滑，佢地個醬汁都非常惹味，有少少辣辣地，而個油飯都好香，但完全冇油膩感，抵食。沙嗲雞肉炒河，打開盒已經聞到好香嘅沙嗲香味，佢地都幾足料，好多雞肉，仲有好多配料，而個河粉炒得一d都唔油，非常好味。豬肉串燒＆牛肉串燒，通常d泰式串燒嘅肉都係薄切，但呢度d肉係好厚切，點埋佢地嘅咖哩汁，非常惹味。