影片
更多
2020-02-22
126 瀏覽
好想去台灣呀～但係由於疫情嚴重，呢排都係唔係好敢去旅行住，唯有去食台灣嘢頂住癮先啦！今晚去咗九龍城開咗冇耐嘅一間台灣餐廳，叫八方麵屋，位於九城場入面，環境都幾舒適。濃香麻醬麵($34)呢個麵嘅麻醬份量啱啱好，而且真係好似佢個名咁講，好濃味，比喺超市買到嘅麻醬冇咁稀，感覺好真材實料。上面除咗配有半隻滷水蛋之外仲有兩條白菜。大腸拼小腸($27) 講到台灣小食又點可以冇大腸包小腸呢？外面係一大條白色嘅糯米腸，夾住一細台灣香腸，再加啲甜甜哋酸酸哋嘅醬，有少少酸令糯米感覺冇咁濟，味道十分之夾。香酥炸雲吞($24)聽聞八方麵屋嘅炸嘢都十分出色，我就叫咗個炸雲吞啦。果然冇介紹錯，呢個雲吞好爽脆，而且味道唔會太醎，加咗少少胡椒，好香口好好食。黑糖珍珠鮮奶($27)我個人好鍾意黑糖嘅味道，所以就叫咗呢個黑糖珍珠鮮奶，揀咗微甜，甜度啱啱好，平時食完飯行過買杯嘢飲都係一個好選擇！
好想去台灣呀～但係由於疫情嚴重，呢排都係唔係好敢去旅行住，唯有去食台灣嘢頂住癮先啦！今晚去咗九龍城開咗冇耐嘅一間台灣餐廳，叫八方麵屋，位於九城場入面，環境都幾舒適。
濃香麻醬麵($34)
呢個麵嘅麻醬份量啱啱好，而且真係好似佢個名咁講，好濃味，比喺超市買到嘅麻醬冇咁稀，感覺好真材實料。上面除咗配有半隻滷水蛋之外仲有兩條白菜。
大腸拼小腸($27)
講到台灣小食又點可以冇大腸包小腸呢？外面係一大條白色嘅糯米腸，夾住一細台灣香腸，再加啲甜甜哋酸酸哋嘅醬，有少少酸令糯米感覺冇咁濟，味道十分之夾。
香酥炸雲吞($24)
聽聞八方麵屋嘅炸嘢都十分出色，我就叫咗個炸雲吞啦。果然冇介紹錯，呢個雲吞好爽脆，而且味道唔會太醎，加咗少少胡椒，好香口好好食。
黑糖珍珠鮮奶($27)
我個人好鍾意黑糖嘅味道，所以就叫咗呢個黑糖珍珠鮮奶，揀咗微甜，甜度啱啱好，平時食完飯行過買杯嘢飲都係一個好選擇！
張貼
