哈比斯燒肉串和咖哩

營業中

休息中

雅都商場直上電梯便能到達餐廳，位置絕佳。店舖附近有很多座位選擇。本身好喜歡試不同嘅土耳其、印度美食，香料獨特非常吸引。離遠都聞到呢間舖頭有好香嘅烤肉味，真材實料。今日揀咗咖哩魚，即叫即新鮮製作，見住師傅即席整，熱辣辣。份量非常多，晚餐食都好夠飽。 咖哩味道濃，食得出用多種香料製成，有印度風味，去唔到旅行，食住外國美食止渴。咖哩唔會杰撻撻，配飯、薄餅或薯條一流。今日揀咗薄餅配咖喱，有三大塊薄餅。薄餅厚薄適中，即烤熱辣辣，有淡淡香烤味，令人開胃非常。值得推薦的一間印度土耳其美食，會再光臨。