口麻天辣

營業中

休息中

最近有朋友推介左呢間喺南昌站嘅川菜，裝修好特別係粉紅粉紅嘅，舖頭好的骰，有啲似日本餐廳嘅格局，嘢食都幾高質，食得舒服！🍴天花頂酸菜魚🐟一人份量不過都好大份，對得住呢個價錢，魚肉好鮮嫩，酸菜都好多，但係如果有啲薯粉就會更加好啦！每一個套餐都有一款涼菜，我哋仲有涼拌萵筍同埋涼拌蓮藕，兩款都好爽口！🍴噴火水煮牛肉🐂牛肉質素都唔差，唔會有雪藏味，有口感，薯粉煙靭，味道貼近香港人，唔會太過辣！🍴香炸脆奶🥛好香脆，唔會炸皮太厚，有牛奶香。🍴涼拌土豆絲一樣好爽口，開胃之餘唔會太過嗆辣🥔