稻埕飯店 (V Point) (已結業)

臨近生日同屋企人食飯，揀左間位於銅鑼灣既台式餐廳。未去到之前，諗住只係一般既台式餐廳，但去到既時候發現呢間餐廳既裝修都幾有格調，有D驚喜。由落電梯到餐桌位既路程上，見到個好靚既打卡位，忍唔住影左幾張相。前菜有一份話梅配山藥，食落係幾fresh幾爽脆，話梅唔會好酸得黎都幾開胃。鮑魚幾好咬口，配埋魚餅一齊食，會有雙重彈牙既感覺。食完前菜就黎左一個湯，主要係南瓜湯做底，然後有D蟹肉，海鮮味濃郁，至於個蛋白球，配埋湯一齊飲都幾特別。龍蝦炸得幾香，然後配菜既炸秋葵有D驚喜，好有食脆薯條既感覺。奶油百合花個奶香味好正，配埋黑松露一齊食好夾，係我幾中意既一道菜。牛柳粒食落去香香甜甜，煮得岩岩好，保留到牛味之餘，亦都唔會有韌既感覺。D鵝肝配埋側邊既鍋邊蛋一齊食真係一流。最後黎左炒飯，上面有隻好大既虎蝦。我幾中意佢個飯入面有蟹子，飯本身又比較乾身，兩種口感加埋好好食。野飲方面，我自己點左古典濃情。係一隻台灣既Whiskey 做Base，然後有一片新鮮既橘子皮，同一塊乾左既香橙/檸檬，杯邊有一圈糖霜。飲落去有橙香，甜甜地既Whiskey，如果怕酒太濃哽喉難入口，可以等佢中間舊冰融左D再飲，感覺會溫馴好多。