La Rosabelle Bar & Grill

營業中

休息中

入到馬灣本身已經有點異國風情，這家地中海菜餐廳更加似令你置身外國，餐廳內白色牆，藍色窗框，希臘小屋牆紙，加上老闆侍應都係外國人，感覺幾正宗。① 意式茄汁青口意粉Mussel Spaghetti $128茄汁酸甜適中，加埋大量芝士碎，口感味道層次豐富，而且青口都好多，好食。② 招牌地中海三式燒烤串配沙律及薯條 Mixed Grill Skewers $198一串牛肉，一串雞肉，再加一塊羊肉漢堡扒，好味！本身醃得入味，就算唔點醬都好味，個羊肉扒幾有驚喜。粗薯條份量幾多，然後餐牌上個「沙律」原來係指沙律醬（笑）③ 烤牛肉卷 Grilled Beef Wraps $85無叫最地中海風味的豆泥蓉彼得包，朋友話呢個卷都類似，只是多了肉。個wrap其實同土耳其菜Kebab 一樣，唔會覺得乾身，都唔錯。無論望住餐廳內希臘景或餐廳外的青馬大橋及沙灘景，呢個時候最啱啤一啤。Happy Hour $45/杯生啤都算實惠。