更多
2022-09-06
104 瀏覽
今日同朋友黎到太古食飯,之前食過其他分店,所以嚟到呢間新嘅分店再食過。入面嘅裝飾好靚,聽店員介紹知道佢係好有心思嘅室內設計,好有係京都嘅感覺。呢個燒雞泡魚干燒得好好,作為前菜雖然唔算好開胃,但味道真係唔錯,用另一種方式令人食慾大增。雞泡魚干燒得煙軔得嚟又唔會黏牙,而且醬汁同魚干既味道配合得啱啱好,味道濃郁又唔會太鹹。 本身知道幸福鳥既串燒比較出名,但呢個刺身拼盤好有驚喜。刺身拼盤唔會雪得太凍,但正正因為咁,反而更加食得出刺身既鮮味,並唔係夾硬雪出嚟既鮮,以呢個價錢嚟講都真係物有所值。 蒜香粟米味道都唔錯,粟米本身好新鮮,咬落好多汁好甘甜。 豆腐燒到熱辣辣,大大份,而且外皮都燒得幾香脆,作為小食嚟講都幾好。串燒果然係呢度既招牌菜,特別係燒肉類,真係唔錯。先講一講調味方面,串燒會按照唔同既肉類配味,例如免治軟骨雞肉,即使兩款都係雞肉,但都會特別調配唔同既醬汁,非常有心思。而除咗調味之外,肉質亦係串燒既一大賣點,因為呢度串燒既火候掌握得好好,基本上都燒到全熟,但又保持到肉質既細嫰,口感十足。 呢度既牛肉壽喜燒唔算貴,質素都唔差,不過比起其他菜式,個人認為就冇咁特別,算係中等水平。 呢個汁燒原
入面嘅裝飾好靚,聽店員介紹知道佢係好有心思嘅室內設計,好有係京都嘅感覺。
呢個燒雞泡魚干燒得好好,作為前菜雖然唔算好開胃,但味道真係唔錯,用另一種方式令人食慾大增。雞泡魚干燒得煙軔得嚟又唔會黏牙,而且醬汁同魚干既味道配合得啱啱好,味道濃郁又唔會太鹹。
本身知道幸福鳥既串燒比較出名,但呢個刺身拼盤好有驚喜。刺身拼盤唔會雪得太凍,但正正因為咁,反而更加食得出刺身既鮮味,並唔係夾硬雪出嚟既鮮,以呢個價錢嚟講都真係物有所值。
蒜香粟米味道都唔錯,粟米本身好新鮮,咬落好多汁好甘甜。
豆腐燒到熱辣辣,大大份,而且外皮都燒得幾香脆,作為小食嚟講都幾好。
呢度既牛肉壽喜燒唔算貴,質素都唔差,不過比起其他菜式,個人認為就冇咁特別,算係中等水平。
呢個汁燒原條九州槍魷魚好巨型,仲長過兩隻手掌加埋,如果一個人食真係有可能食唔哂。而魷魚既肉質好肥美好滑嫰,而且燒得亦好好,好入味。
呢個幸福燒雞份量唔算太多,不過就幾特別,本身以為係類似歐陸式燒雞咁,但原來食落係有少少似中式既炸子雞咁,外皮係香脆既,令食落口感好豐富。
呢度座位坐得好舒服,又闊落,疫情期間更加食得安心,啱晒一班朋友嚟食飯。
張貼