滿泰小廚

營業中

休息中

初四入西貢行大運，本來想食西餐，但係冇招牌菜，仲加要收25%附加費，咁冇理由俾人劏㗎嘛。咁就轉移陣地去食泰國嘢。呢間小店初四開市，每樣嘢食都係象徵式加兩蚊，係兩蚊。個良心簡直捧出嚟超有愛，所以唔需要諗就食呢一間。五個人一人嗌一樣兜亂嚟食。諗住健康啲嗌咗個牛腱撈檬，都好食嘅牛腱唔會太乾。另外個海鮮濕河就多咗汁少少，但係都可接受。去泰國餐廳多數都鍾意嗌蝦醬炒飯，呢度都幾入味，如果上面再多少少櫻花蝦乾，帶番個鮮味就更加好啦。另外個煎蠔餅唔會太撈，啲好多幾飽滿唔錯。另外加咗串燒同埋雞翼，串燒就表現正常啦，雞翼起初覺得佢有少少貴，點知原來係全翼，跟住一口咬落去真係掛咗聲超好食唔會燒得太乾，朝香味夠，只不過係個人唔太喜歡佢用白胡椒粉醃嗰啲雞翼，但整體嚟講係幾好食⋯⋯新年嚟講咁有良心，實在要推一推！