豐生水起 (已結業)

返完教會，朋友一齊，一行七人入咗大埔搵嘢食， 男人士想飲茶，小朋友想食點心，附近有位泊車都算方便，今日年初三，好多食店都未開門，呢間新裝修，好熱鬧， 排咗陣間 ，店員便安排到位置給我們，他們很有禮貌。叫咗個魚湯飯，大大碗味道唔錯;雀籠一般嘅 春卷，香脆可口;糯米雞夠大隻;叉燒包個餡唔錯，阿妹食咗兩個; 馬拉糕大大個，原個竹籠蒸， 個個爭住食;鳳爪排骨飯，鳳爪排骨都入味，豉油可以自己落，店員話唔夠可以問佢攞，服務態度好殷勤，常常幫客人添水。鮮竹卷一般水準;燒賣 蝦都新鮮;小籠包， 餡料新鮮個湯都唔錯;棗皇糕熱辣辣，好香紅棗味!師傅係北方人，晚餐有麻辣鍋今日大年初三，服務費加二，貴咗少少。