目利きの銀次 (已結業)

現/舊同事農曆年食咗飯都未見過，一季見一次都唔過份吖～4個人要咗十幾個小食：蕃茄水牛芝士正常、牛舌炭火燒幾腍唔韌有牛味、明太子煎蛋卷好軟香但我本身唔鍾意明太子、黑豚肉軟骨山葵燒夠腍又入味、煙肉蕃茄酸甜爆汁減低滯膩、海膽汁燒蠔唔係好食到海膽鮮味但甜嘅味幾討好、牛油果沙律幾清新、銀次特製沙律蝦啲粉略厚、醬汁炸雞都係粉略厚甜甜辣辣濕濕地、喜之次一夜干冇乜鮮味有啲失望因為食過刺身好鮮味、超濃厚雞湯烏冬嘅烏冬幾滑。基本上每款烹調水準平均略高。每人二百幾堅平。