佳記美食 (新安大樓)

營業中

休息中

6點後晚市禁堂食，就唯有逼住要買外賣食！呢間佳記美食真係超級無敵咁抵食！2個餸都只不過係$36！！！👉🏻菠蘿咕嚕肉超級多件，而且一d都唔粉，啖啖都係肉，屋企4個人都唔使爭食！菠蘿好甜，正！👉🏻紅酒燴牛尾同樣分量好多，大大舊牛尾全部都非常之入味，紅蘿蔔亦好淋，好岀息！仲有大約10款8款唔同嘅家常小菜可以揀，姐姐好爽手真係比好多餸，呢個價錢真係好抵食，唔想煮野食係度買真係非常之方便！正宗嘅平、靚、正！