小火焰韓式咖啡廳 (金山樓) (已結業)

今日約咗朋友入大圍食Lunch , 好友帶我去一間平，靚，正餐廳食好西👉👉《小火焰韓式咖啡廳 》🙌🙌🙌午餐超多超多選擇👇大家都like 牛肉配溫泉蛋， 我哋不約而同叫咗《汁燒牛肉溫泉蛋拌飯》 &《溫泉蛋野菜牛肉番茄湯烏冬》，一個跟飯，一個跟烏冬！ 最終都冇令我哋失望，牛肉配上汁燒，好惹味， 牛肉又香濃又好味， 配上雜菜， 增添爽口添！ 仲有香滑溫泉蛋， 香濃蛋汁流出加上牛飯一齊食，超夾！野菜牛肉，配上番茄湯烏冬都好好味㗎， 味道清新，烏冬煙韌，口感不錯， 加錢upgrade 小食， 每樣都係$10-$12到，非常抵食，加了《脆香牛油雞翼》&《甜辣韓式炸雞》， 外皮炸得鬆脆，十分香口，好食！ +13 就可以有特飲， 我叫咗《凍烤杏仁咖啡》，yummy !🙌🙌🙌🙌由於太飽， 我哋叫咗一份《三色窩夫》， 窩夫香濃蛋味，口感鬆軟， 配上香滑雪糕，今日真係太幸福！